Kafedra tarixi

Qarshi davlat universiteti rektorining 2021-yil 1-noyabrdagi 508-X-sonli buyrug‘iga asosan Matematika va kompyuter ilmlari fakulteti tarkibida Informatika o‘qitish metodikasi kafedrasi negizida “Algoritmlar va dasturlash texnologiyalari” kafedrasi tashkil etildi. 2025-yil 3-apreldan kafedraga texnika fanlari bo‘yicha falsafa doktori, dotsent Davronov Shohjaxon Rizamat o‘g‘li mudirlik qilmoqda. Kafedra 60610500-Sun’iy intellekt (kunduzgi), 60610100-Axborot tizimlari va texnologiyalari (kunduzgi), 60610500-Sun’iy intellekt (masofaviy), 60610100-Axborot tizimlari va texnologiyalar (masofaviy), 5110100-“Matematika va informatika” ta’lim yo‘nalishlari bo‘yicha bakalavrlar va 70610204 - Axborot tizimlari (tarmoqlar bo‘yicha) magistr kadrlarini tayyorlaydi. Hozirgi kunda kafedrada 12 nafar professor-o‘qituvchilar, 1 nafar kafedra mudiri va 1 nafar laborant faoliyat ko‘rsatmoqda. Kafedrada, 6 nafar PhD, dotsent, 3 nafar katta o‘qituvchi va 1 nafar assistent, 2 nafar o‘qituvchi-stajyor faoliyat ko‘rsatmoqda. Kafedrada universitetning barcha ta’lim yo‘nalishlarida axborot texnologiyalari, ta’limda axborot texnologiyalari, raqamli axborot texnologiyalari, axborot texnologiyalarini sohalarda qo‘llanilishi fanlari o‘qitiladi.